Gure Esku Dago

Gure Esku Dago ekimenaren Arrasateko lantaldea aurkeztu zuten dute

Gure Esku Dago dinamikaren Arrasateko lantaldea aurkeztu zuten atzo Kulturateko areto nagusian. Bertan, Gure Esku Dago dinamika azaltzeaz gain, Arrasaten sortu den taldeak orain arte zer egin duen eta aurrerantzean zer egingo duen azaldu zuten. Domekarako antolatu dute lehenengo ekintza; Herriko Plazan argazki herrikoia atera nahi dute eta herritar orori gonbitea luzatu zieten. Ostean, 'Gazta Zati Bat' dokumentala ikusteko aukera izan zuten gerturatutakoek.

Gure Esku Dago herri dinamikako Arrasateko lan talde gehiena aurkeztu zen atzo Kulturaten; izan ere, 25 lagun diren arren atzo 15 bat joan ziren. Bertan, Jon Zuloagak eta Onintze Guridik, gerturatu ziren herritarrei lantaldearen funtzionamendua azaldu zieten, herritar orori batzera gonbidatuz. Astelehenero Kulturaten biltzen dira 18:30ean; eta domekan, hilak 23an, lehenengo ekintza egingo dute, argazki herrikoia Arrasateko Herriko Plazan, 13:00etan.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.