Ander Mujika eta Miren Narbaiza 2005ean elkartu eta Napoka Iria sortu zuten. Lehenengo maketak oihartzun handia izan zuen eta ondotik etorri ziren Poortstraat 58 ep-a eta Lehertarazi edifizioak lehenengo lan luzea.
Ibilbide polita egin du ordutik bikoteak, kontzertu mordoa eskainiz. Bide horretatik jarraitzea dute helburu, argia ikusi berri duen Arnasten ikasteko berriz lanarekin ere. Diskoan, honako lagunek parte hartu dute: Felix Buff (perkusioa), Iban Urizar (tronpeta eta harmoniuma) eta Ibai Gogortza (gitarra eta kontrabaxua). Bi ahots, bi gitarra; pop intentsiboa, giro eta sonoritate aberatsak lortuz.