Arrasateko Udalak aspaldi abiatu zuen Kurtzetxiki balioan jartzeko proiektua. Proiektu horren helburuetako bat da herriko abeltzaintzari bultzadatxoa ematea, Kurtzetxikiko larreak herriko baserritarrei utziz ganaduak bertan bazka dezan. Bada, horretarako auzolana egin gura dute hilaren 29an; Bedoñako aparkalekuan geratu dira, 09:00etan.
GUreztatu ekimeneko Lehen Sektorea biziberritzeko lantaldeak bat egiten du Kurtzetxiki balioan jartzeko proiektuarekin: "Gure ekarpena auzolanaren bitartez egitea erabaki dugu, bide batez herritarren konpromiso eta babesa ere bilatuz. Horretarako, udaleko Ingurumen Sailarekin ari gara elkarlanean, eta zuen guztion laguntza behar dugu".
Izen-ematea
Auzolanaren antolaketa egokirako, beharrezkoa da parte hartzaile kopuru zehatza izatea egun batzuk lehenago. Izena emateko bi bide daude: ondorengo loturan izena ematea edo 943 79 68 48 telefono zenbakira deitzea
