Arrasate Musikaleko banda bikain

Arrasate Musikaleko bandakoak Amaia antzokian kontzertua eskaintzen, asko mozorrotuta gainera.
Kontzertu bikaina eskaini dute Arrasate Musikaleko bandakoek Amaia Antzokian. Eguerdian hasi da eta kanpoan sekulako eguraldia egon arren, jende dezente hurbildu da bertara musikaz gozatzera.

Aratusteen aitzakian prestatutako emanaldia 64 lagunek osatu dute, Mikel Markiegi zuzendariarekin batera. Festa giroa ezarri dute Amaia antzokian eta kontzertua bikaina izan da. Musikari batzuk mozorrotuta igo dira taula gainera.

Mikel Markiegi bandako zuzendariaren gidaritzapean Disney etxeko hainbat pelikuletako eta marrazki bizidunetako soinu bandak jo dituzte. Besteak beste, Pakito Txokolatero, Heigh Ho, Police Academy, Loti Ederra, Moment for Morricone, The Pink Panter, eta Jungle Book pelikuletako soinu banda ezagunetako musika. Hasiera oso alaia izan da Pakito Txokolatero abestiarekin, baina besteak ere ez dira atzean gelditu. Zazpi pieza horiek jo ondoren azken abestia heldu da: Samba de Janeiro.

Amaiera brasildarra

Azken kanta hasi aurretik, Markiegi zuzendaria oholtza atzera joan da, eszenatokitik aldenduz eta ikusleak harrituta gelditu dira. Eszenatokira bueltatu denean, King Afrika musikariaz mozorrotuta agertu da. Hau hala, kontzertu amaierari ukitu berezia eman gura izan dio. Ikusleen txaloekin eta barre txikiekin amaitu da kontzertua.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.