Isaias Carrasco omenduko dute zapatuan

PSE-EEk alderdiko militante eta zinegotzi ohi Isaias Carrasco arrasatearra omenduko du zapatuan. Arrasaten izango da ekitaldia, duela sei urte eraila izan zen tokian, Navas de Tolosa kalean. Bere alaba Sandrak eta PSE-EEko idazkari nagusi Patxi Lopezek parte hartuko dute; lore eskaintza egingo diote. 12:00etan hasiko da ekitaldia.

ETAk erail zuen Carrasco zena, lanera joateko autora igo berritan; Bidelanerako egiten zuen lan, AP-1 autobideko Bergara hegoaldeko ordainlekuan.

Espainiako Gorteetarako hauteskunde kanpainan gertatu zen erailketa, botoa ematera joateko bi egunen faltan. Isaias Carrasco 2003ko ekainetik 2007ko maiatzera izan zen zinegotzi Arrasateko Udalean, alderdi sozialistatik.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.