Duela bi urte hasi ziren arrasatearrak sanjuanak parte hartze prozesu bidez antolatzen; aurten ere, ateak zabal-zabalik dituzte jaiak prestatzen laguntzeko gogoz dabiltzan elkarte zein arrasatear guztiek. 2014ko egitaraua herritarrek herritarrentzako egina izan dadin, aurreko bi urteetan sortutako hainbat ekintza arrakastatsu kontuan hartuko dira: Lelo lehiaketa, Zeuk ein zeuk jan, Kantu afaria eta paineluak, besteak beste.
Udalak arrasatear guztiei egiten die gonbita jaiak antolatzen parte har dezaten. Herriko jai nagusiak biziak eta parte hartzaileak izan daitezen, lehen bilera martxoaren 6an arratsaldeko sei eta erdietan izango da, Kulturateko Jokin Zaitegi gelan.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak