Bide Bidek duen lehen postua eskuratu nahi du Mondragon Unibertsitateak

Zuri-moreek oso lehia bizia dute donostiarrekin; bi taldeen artean puntu bakarreko aldea dago eta gure mutilek sailkapeneko gailurrera iritsi nahi dute.

Azken partiduan Atletico San Sebastian menpean hartu ondoren, lehenengo postua aste bukaera honetan lor dezakete.

Aratusteak direla eta, partiduaren ordutegia berezia izango da: MU gaur lehiatuko da, Iturripen (20:00), Goierri-Verkol taldearen kontra. Urretxuarrak sailkapenean beherago dauden arren, ez da erlaxatzeko norgehiagoka izango.   

Ford Mugarrik atsedena

Eskubaloiko mutilek, aldiz, aste bukaera honetan atseden izango dute. Bada, Arandoren mutilak martxoaren 8an indarberrituta bueltatuko dira Iturripeko kantxara.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.