Euskarazko formatu txikiko antzerki sorkuntza onenaren saria jasotako lana eguenean Arrasaten

Eguenean, hilak 27, Khea Ziater antzerki taldea Arrasateko Gaztetxean izango da 'Satisfaktion' ikuskizunarekin, 22:00etan, Kooltur Ostegunak ekimenaren baitan.

Bilboko Mina Espazioan eta handik abiatutako Antzerkiola Imaginarioa taldean ditu bere sustraiak Khea Ziater taldeak; eta bere azken antzezlanak, Satisfaktion-ek, Donostia Kulturak ematen duen euskarazko formatu txikiko antzerki sorkuntza onenaren saria jaso zuen iaz.

Maria Urzelai bergararra,  Kriss deitutako aktoresa, da obrako protagonista; Alex Gerediaga, zuzendaria; Azegiñe Urigoitia, jantzien arduraduna; eta Oier Ituarte, argiztapenarena.

Sinopsia

Kriss eskarmentudun aktoresa bat da; urteak daramatza obrak antzezten. Orain gutxi arrakastara zuzenean eramango zuen proiektu bati ezetza eman behar izan zion, haurdun zegoelako. Arrasaten berragertuko da agertoki gainean, errepresentatu gabe gelditu zen prostitutaren pertsonaiari bizitza emanez.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.