Urteurreneko ospakizunekin jarraitzen dute Bedoña auzoko Loramendi elkartean: "izugarrizko" bazkaria egin zuten zapatuan. "Basque Culinary Center-eko sukaldarien inbidiarik ez duen" Jesus Garai elkarteko bazkidea arduratu zen bazkaria prestatzeaz. Aza, txorizo, buzkantza, saihets eta urdaiz lagunduta, babarrun goxoak prestatu zituen, bazkarian izandakoek kontatu dutenez.
Postre tradizionala izan zuten ostean: gazta irasagarrarekin. Eta digestioa suabe egiten laguntzeko, fruta pixka bat.
Bazkal ondoren, giroa alaitzeko, Asier eta Gorka batu zitzaizkien alboka jo, bertso ederrak abestu eta txisteak kontatzera. Gisa horretan igaro zuten arratsaldea eta, orduak pasa ahala, bazkideren bat edo beste ere ausartu zen txisteren bat kontatzera.
Umore ona, giro polita eta bazkari ezin hobea izan zituzten, beraz.
