Ford Mugarrik azken aurreko postuan dagoen Urdanetaren aurka jokatuko du etzi Iturripen

Kepa Kruzeta jokalaria gola egiteko jaurtiketa baten aurretik.
Sailkapenean azken aurreko postuan dagoen Urdaneta taldea hartuko du Ford Mugarrik domekan Iturripen (12:30). Sailkapenean beheko postuetan egon arren, "talde ona" dutela dio zuzendaritza taldeko Andoni Arandok, baina denboraldi hasieran hainbat lesio izan zituztelako ez dira nahi moduan aritu: "Azken jardunaldietan puntu batzuk lortzen ari dira, baina orokorrean nahiko makal dabiltza".

Gutxinaka bada ere, Ford Mugarri beherantz doa sailkapenean. Joera hori honela azaldu du Arandok: "Lehen itzulian momentu puntualetan alde irteten ziren jokaldiak eta bigarren itzulian, ordea, ez da horrela.  Lehen aurkaria berdintzear zegoenean hiru goleko aldea egiten genuen eta orain, berriz, berdindu egiten digute".

Jorge Santosen itzulera

Bestalde, Pablo Gartzia entrenatzaileak Jorge Santos jokalari beteranoa kantxaratzeko aukera izango du. Denboraldi hasieratik belaunetik min hartuta egon da Santos.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.