Bi gizon atxilotu zituzten Iluntzen istiluak eragiteagatik

23 urteko gizonezko bat atxilotu zuen bart gauean Udaltzaingoak, Iluntz tabernan zerbitzaria eta, gero, udaltzain bat erasotzeagatik. 34 urteko beste gizon bat ere atxilotuta dago, bere burua identifikatzeari uko egiteagatik.

Goizaldeko 02:00ak aldera gertatu zen istilua, Iluntz tabernan, Herrizaingo Sailak informatu duenez. 23 urteko gizonezko bat mozkortuta zegoen eta muleta batekin zerbitzariari oinean kolpea eman zion; ondorioz, Debagoieneko Ospitalera eroan behar izan zuten. Udaltzainek bezeroa atxilotu zuten. Herrizaingo Sailaren arabera, eraso horrez gain, autoritateari eraso izana egotzi zioten, udaltzain baten aurka ere egin zuelako.

Alemaniako 34 urteko gizonezko bat ere atxilotu egin zuten, "istiluan parte hartu" zuelako eta bere burua identifikatzeari uko egin ziolako.

Diligentziak Ertzaintzak daramatza.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.