Hawkins Thugs talde arrasatearrak Parisen eskainiko du kontzertua bihar, zapatua. Hain zuzen ere, gaur hasiko den Winter Oi Fest! jaialdiaren baitan joko dute.
Les Mains D'Oeuvre aretoan izango da eta emanaldian, gainera, Trotskids, Wunderbach, Gonna Get Yours eta Lion´s Law taldeekin konpartituko dute oholtza. Azken horiekin, gainera, behin baino gehiagotan jo izan dute Hawkins Thugs taldekoek.
Bestalde, azken sei hilabeteetan lanean aritu ondoren, laster izango da kalean arrasatearren lehenengo disko laburra. Binilozko single bat izango da eta My Own Path izena ipiniko diote; Contra Records diskoetxearekin aterako dute.
