Arrasate Dragoik Bergaran ospatuko den txapelketan parte hartuko du zapatuan

Arrasate Dragoi Gimnasia Taldeko kadeteak.
Otsailaren 8an, zapatua, Eskolarteko A mailako lehen fasea jokatuko da Bergarako Labegaraietako kiroldegian. Gipuzkoa osotik etorritako gimnastek hartuko dute parte bertan. Txapelketa goizeko 10:00etan hasiko da, alebin, infantil eta kadeteekin. Arratsaldeko 17:00etan, jubenilek eta seniorrek ekingo diote.

Arrasate Dragoi Gimnasia Taldetik hamaika neska aurkeztuko dira. Maite Oliden, Maitane Ugarte, Eneritz Lage, Andrea Hernandez, Alba Revuelta eta Amaiur Mendizabalek kadete B mailako taldekako lehian jardungo dute (5 zinta). Ane Fernandez eta Maialen Gallardo ere zintarekin lehiatuko dira, bakarka, kadete B mailan. Jubenil B mailan, berriz, Eider Altube arituko da mazoekin. Eta azkenik, Olatz Fernandez eta Ainhoa Delgadok bakarka parte hartuko dute senior B mailan.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.