10:30ean, ateak zabaldu bezain laster, iritsi ziren lehen gazteak, eta bertan zeuden bi hezitzaileen laguntzarekin, egin zuten jolas eta barre.
Zoritxarrez baina, eguraldiak ez zuen gehiegi lagundu, eta hezitzaileek aurrez prestatuko hainbat joko kanpoan egiteko asmoa izan arren, bertaratu zirenek gazte txoko barruan jolastu behar izan zuten. Horrek garrantzirik izango ez balu bezala, gaztetxoek primeran pasa zuten zapatu goiza. Ludotekara joandako batek baino gehiagok, errepikatu egingo duela ere sin egin zuen.
Otsailean saio gehiago
Hile honetako zapatu goiz guztietan, bertako gazteen gozamenerako, Musakolan izango da ludoteka ibiltaria. Martxoan aldiz, San Andresera eramango dute. Hala ere, antolatzaileek aipatu moduan, "auzotarrez gain, nahi duten gaztetxo guztiak etor daitezke". Lehen saio horretako giroa ikusita, ziur, hurrengo saiora gazte gehiago joango direla.
