Garage, rockabilly eta surf-a Taupa tabernan L'Assassins estatubatuarrekin

Laukotea martitzenean, otsailak 4, Arrasateko Taupa tabernan egingo du geldialdia. 'Lovin' on the run' disko berri batekin datoz Europara, eta joan den urtean egin zuten biran, zuzeneko taldea dela argi utzi zuten. 'Backseat Bomp' katuan adibidez, Trashwoman, Cramps, Sonics edo Wanda Jackson-en oihartzunak entzun daitezke.

Minneapoliseko (AEB) L' Assassin taldeak geldialdia egingo du bihar Taupa tabernan. Lau emakumez osatutako taldea, rockabilly eta garage doinuak ekarriko dituzte, zuzeneko indartsu batekin. Biran datoz eta geldialdia egingo dute gurean. Aukera ederra izango da nazioartean ezaguna den talde bat tabernako giro intimoan ikusteko; doakoa izango da, 19:30ean hasita.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.