Prentsaurrekoan aditzera eman dute Gutun Soziala garatzeko beharra dagoela eta gogoeta egitea garrantzisua dela diote, egoera ekonomikoaren eraginez jendarteak une beltzak bizi dituela gaineratu dute.
Besteak beste, osasungintzan, etxebizitza eskubideetan, hezkuntzan eta beste hainbat esparrutan emandako eskubide murrizketak aipatu dituzte eta egun "botere ekonomiko eta politikoek darabilten estrategia taldeak geldiaraztea", modu horretan, "norbanakoa gehiago itotzea" lortuz .
Eta horren ondorioak, pobrezia, bazterketa soziala, ekologiaren suntsiketa, emakumearen prekarietatea, etxe kaleratzeak eta beste hainbat direla salatu dute.
Nekane Juradoren berbaldia
Hala, Euskal Herriko Gutun Soziala dinamizatzeko taldeak Arrasaten hainbat ekimen antolatu gura ditu, eta zehaztu dute aurrenekoa, gainera. Egoera ekonomikoa eta pobrezia gaur berbaldia eskainiko du Nekane Jurado adituak otsailaren 5ean kulturaten.
Parte hartzera deitu dituzte herritarrak, eta ekonomian adituak esateko dituenak entzuteaz gain, norberaren kezkak azaltzeko eta taldera gehitzeko aukera izango dutela gaineratu dute.
