Erregu apostolikoa
Aita Santuaren erregu apostoliko bat ekarriko du Jose Ignacio Munillak. Azaro amaieran zabaldutako dokumentua da munduaren egoerari buruz hark dituen ikuspuntuekin. Evangelii Gaudium (Ebanjelioaren poza) dauka izena agiriak eta Eliza Katolikoaren buruaren aitasantutzaren gidalerro gisa hartu da. Adierazpen horren bitartez Jorge Mario Bergogliok Eliza Katolikoaren izpiritu misiolari eta ebanjelizatzailean sakontzen du. Adituen arabera, gizarte gaiekin lotutako bi ardatzetan oinarritzen da Aitasantu berriaren bidaia-orri moduko hau: txiroen gizarteratzea eta bakea eta elkarrizketa soziala. Testuan, "egungo munduaren arrisku" bezala jartzen du, esate baterako, kontsumismoa, "bihotz uzkur eta erosotik eratorritako tristura indibidualistaren" erantzule modura.
Munilla Gotzainaren hitzaldia 14:00etan izango da ospitaleko areto nagusian.
