Dena gertu Arrasateko Santa Ageda eskerako

Eguerdian udaletxean abestuko du koroak, urtero moduan.
Arrasateko Santa Ageda abesbatzak ez dio hutsik egingo urteroko ohiturari. Aurten ere dena dute gertu otsailaren 4an, auzoz auzo, eztarriz sano eta kantatzeko gogoz dabiltzala erakusteko. Koruetako kideei deialdia egin diete otsailaren 3rako, azken antolaketa lanetarako; Alkartu elkartean, 21:00etan.

Bestalde, iaz diru bildutako diruaren berri ere eman dute: "Ohitura zaharrari eutsi eta herria girotzeaz gain, ekimen honen helburua dirua biltzea da, behartsuenen artean banatzeko", adierazi dute.

Ia 4.600 euro

2013ko eskean 4.584 euro bildu ziren, eta Parrokiarteko Caritas-en bidez banatu zen dirua, honela:

-    Familia langabetuak seme-alabekin                         1.500€
-    Ama bananduak                                                    1.200 €
-    Eskola-jangelak                                                     700 €
-    Etxe-alokairuak                                                      850€
-    Neguko jangelarako                                                300 €

Aurten ere emaitza "bikain" horiek errepikatzeko denda eta enpresengana jo gura dute "eskuzabaltasun" horren bila. Honako kontu korronte zenbakia jarri dute ekarpena egin gura dutenendako: 2095 5055 56 1066568303.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.