Ludoteka ibiltaria Musakolako Gazte txokora iritsiko da otsailean

2012ko Ludoteka ibiltaria.
3 urtetik 12 urte bitarteko haur eta gazteei dago bideratua egitasmoa eta hauen arduradunak ere ongi etorriak izango dira. Otsaileko asteburu guztietan gozatzeko aukera izango da; izan ere, Ludoteka ibiltaria Musakola auzoan izango da. Urteroko ordutegia izango da, 10:30tik 13:30ra.

Ludoteka Musakolako auzoan egon arren, nahi duenak bertara joateko aukera izango du, betiere adin tartearen barruan sartzen bada edo haur hauen arduraduna bada. Elkargunea Musakolako gazte txokoa izango da, baina, eguraldiak laguntzen duen neurrian, ekintzak kanpoan izango dira. Elkargunea San Antolin ikastetxearen ondoan dago.

Hezitzaileak bertara joaten direnen nahiak betetzen ahaleginduko dira. Horretarako, material ugari izango dute eskura. Sormena eta momentuko gogoa kontuan izanik egingo dira ekintzak.

Ekimen honen helburua da, ludotekarik ez dagoen auzoetako haurrei urtean asteburu batzuetan, besterik ez bada, beraien auzoetan ludoteka batez gozatzeko aukera ematea.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.