Argenti Tui bitxi erakusketa Kajoi tabernan

Kajoi tabernak bitxi erakusketa antolatu zuen. Zilarrezko belarritako eta lepokoek ikusmira handia piztu zuten eta jende ugari animatu zen bitxiak ikusi eta erostera.

Kasia Maslyk da bitxien diseinatzailea Poloniakoa den arren, orain Arrasaten bizi da. Beti izan da bitxi zalea eta Herbereetan bizi den beste lagun batekin elkarlanean Argenti Tui bitxi etxea sortu zuten. Gurean ezin dira bitxi hauek dendetan erosi,"hainbat dendekin hitz egin dugu baina oraindik gure bitxiak ezin dira hemengo dendetan erosi".

Egueneko erakusketak izandako erantzun onaren ostean, "agian bailaran beste batzuk egingo ditugu". Erakusketan bitxiak ikusteaz gainera, hauek erosteko aukera ere egon zen, "jendea animatzeko %30eko beherapena egingo dugu", zioen Maslykek. Jende dezente batu zen Kajoin eta bitxiez gain, tabernakoek eskainitako ardoa dastatzeko aukera ere egon zen.

 

Debagoieneko albiste garrantzitsuak edo azken ordukoak telefonoan jaso gura dituzu?

  • Bidali ALTA 688 69 00 07 zenbakira Whatsapp bidez.
  • Batu zaitez Telegrameko @GoienaAlbisteak kanalera.