Horrela uler daitekeen arren, biharkoa ez da Arrasate Musikaleko txistulariek zoriz aukeratua izan. Bihar ere Seber Altubek bere baitan hartzen duen baserritar azoka egingo denez, musika herrikoiaren bidez ukitu berezia eman nahi diote egunari.
Txistulariak, baina, ez dira Seber Altuben geratuko eta azokako giroa piztu eta gero erdiguneko hainbat txokotan ere kalejiran arituko dira. Azoka, txikiteoa, mandatuak... zapatu goizetan egin ohi ditugun enkargu edo lanak alaitzera irtengo dira txistulariak.Laburbilduz, zapatuari euskal musika jartzera. Argi dago aste honetan izaten ari garen eguraldi kaxkarrari aurpegi ona jartzeaz gain, bihar txistulariek doinu ederra jarriko diotela eguerdiari.
