995 kortxo

995 gordetzen zituen tabernako edalontzi erraldoiak.
Urte amaieran argitu zen Ezkina tabernako misterioa. 995 kortxo zeuden kristalezko edalontzi erraldoian eta Lourdes Dorda aretxabaletarrak asmatu zuen desafioa. Hark izandako begi onari esker, tabernak eskaintzen zuen bi pertsonarentzako afaria irabazi du.

Askori kontrakoa iruditu zitzaien arren, ez zen erronka erraza izan; tabernatik zehaztu duten moduan, 1.000 bezero inguruk hartu zuten parte, eta bakarrak asmatu zuen. 995 kortxo pilatu ostean zer? Ezkina tabernan ez dute irudimen faltarik, eta, urte berriarekin batera, beste erronka bat proposatu diete bezeroei: pilatutako kortxoekin zer egin daitekeen esaten duen proposamen originalenak Rioja Vega Magnum botila bat jasoko du. Erronka berri hori hil bukaeran argituko da, eta, ordura arte, nahi duen guztiak nahi adina proposamen bota ditzake Arbolapetako tabernan.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.