Edesako 100 bat lagunek egin dute protesta ekitaldia. Euren lanpostuen defentsaren aldeko aldarria duten kamisetan soinean, askotariko aldarriak egin dituzte. Baina bereziki konfort negozioko lanpostuak bideragarriak direla azpimarratu dute. Bestalde, birkokatzeetan parekotasuna eskatu dute. Langile guztiek eskubidea berberak dituzte argi utziz.
Komunikatua
Basauriko Edesako langileek euren aldarrikapenak jasotzen dituen komunikatua irakurri dute hedabideen aurrean, eta esan dute Bergarako eta Basauriko negozioak martxan ipintzeko plan bideragarri bat aurkeztu diotela MCCri.
Era berean, MCCri eskatu diote idatziz hartuko konpromisoa bete dezala, eta salbatu daitekeena salbatzeko.
Dena den, eserialdia egin duten langileek azpimarratu dute negozioak martxan mantentzeko egin beharrekoa egiteko denbora bukatzen ari zaiela.
