Errege Magoek harrera jendetsua izan dute Arrasaten

Ekialde Urrunetik etorrita, urteroko bisita egin dute Errege Magoek Arrasatera. 17:30ak aldera Iturbide egoitzan hainbat opari banatu ostean, 19:00etan puntuan hasi da kabalgata Zerkaosteta kaletik. Herriko Plazara heldu arteko ibilbide osoan zehar errepide bazterrak bete dituzte herritarrek.

Gasparrek, Meltxorrek eta Baltasarrek danbor eta tronpeta hotsen artean eta abesbatzaren Gabon Kantekin batera osatu dute ibilbidea (20:00). Jaiotza biziduna jarri dute Herriko plazako agertokian. Gero ospitalerako bidea hartu dute, han ere opariak eta ilusioa banatzeko. Jarraian dituzue kabalgatako zenbait argazki.

Debagoieneko albiste garrantzitsuak edo azken ordukoak telefonoan jaso gura dituzu?

  • Bidali ALTA 688 69 00 07 zenbakira Whatsapp bidez.
  • Batu zaitez Telegrameko @GoienaAlbisteak kanalera.