'Korrotik Pikutara' hitzaldi-dantza saioa egin da Arrasaten

"Korrotik Pikutara" hitzaldi-dantza saioko irudi bat.
Santamasetako egitarauaren barruan, 'Korrotik Pikutara' hitzaldi-dantza saioa egin dute gaur arratsaldean Arrasateko Kulturaten. Euskal dantzaren historia eta eboluzioa izan da berbagai, Oier Araolaza eibartarraren eskutik. Dantzaren inguruko informazioaz aparte, zenbait dantza egin dute Garikoitz Otamendi biolin jolearen doinuak lagun izanda.

Dantzen bitxikeriak eta ezaugarriak azaldu ditu Araolazak eta berak ere egin ditu dantza irakasle lanak. Dantzaren eta hitzaldiaren arteko elkarketari Koreoarkeologia deitzen zaiola gaineratu du eibartarrak. Honekin gure dantzek historian zehar izan duten eboluzioa jakin eta azaldu nahi dute.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.