Aukearen bitartez, Eguberri hauetan osasuna oparitu!

Aukea kirol erakundearen ikastaroen bitartez, gehien maite duzun alboko pertsona berezi horri osasuna oparitzeko aukera dago. Oraindik ez baduzue erabaki zer oparitu, Musakolako harrerara joan eta eskaintzengatik galdetu.

Amari, aitari, senarrari, emazteari, lagunari, ahizpari… oparitzeko proposamen ugari eskaintzen ditu Aukea-k. Besteak beste 9,3 eurotik, giharrak hobetzeko hilabeteko ikastaroa. 18,60 eurotik aurrera ere hilabeteko iraupeneko ikastaro ugari:

  • Gluteo, abdominal eta hanketako giharrak tonifikatzeko hilabeteko ikastaroa.
  • Malgutasuna hobetu, bizkarrezurra gogortu, lesioak saihestu eta postura hobetzeko ikastaroa.
  • Indarra gehitzeko eta arnasketa, kontzentrazioa eta postura hobetzeko ikastaroa.
  • Gorputzeko behealdea tonifikatzeko eta erresistentzia lantzeko ikastaroa.
  • Igerian ikasteko edo teknika hobetzeko ikastaroa.

Aukea-k 13-15 urte bitarteko gaztetxoei oparitzeko proposamenak ere eskaintzen ditu. Hauek 16,20 eurotik aurrerakoak dira:

  • Dantza estiloen bidez (funka, hip-hopa, diskoa, erritmo latindarrak…) gorputz adierazpena, koordinazioa eta erritmoa lantzeko eta egoera fisikoa hobetzeko hilabeteko ikastaroa.
  • Gorputzeko giharrak indartzeko, egoera fisikoa eta erresistentzia hobetzeko hilabeteko ikastaroa.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.