Guztira, 83 bideo aurkeztu ziren, eta arrasatearren Feel this moment bideoa finalerako txartela lortu duten 30 lanen artean aukeratu du epaimahaiak.
Jendearen esku
Dagoeneko martxan dagoen bigarren fasean jendearen bozkak beharko dituzte lehiaketako lehen saria lortzeko. Ikasleei lagundu nahi dietenek eitb.com webgunearen Gaztearen atalean eman dezakete euren botoa. Egunean boto bat eman daiteke posta elektroniko kontu bakoitzeko.
Abenduaren 19ko gauerdira arteko epea dago botoa emateko. Abenduaren 20an, goizean, Dida! saioan iragarriko dute bideo bozkatuena zein izan den (2.000 euroko saria irabaziko du), baita epaimahaiaren saria (1.000 euro) zeinentzat izango den ere.