'Feminismotik komunitatera, elikadura burujabetza helburu' hitzaldia

Bagarak kudeatzen duen GUreztatu ekimenak, Arrasateko Emakume Txokoa eta Emaus-ekin batera, hitzaldi interesgarria antolatu du. Txileko Anamuri Elkarteko (Asociación Nacional de Mujeres Rurales e Indígenas) kide den Florencia Arostica Euskal Herrira dator, eta datorren eguaztenean, irailak 11, Arrasaten izango da. Emakumeek elikadura burujabetzan duten garrantziaz eta komunitatearen indarraz ariko da, eta berarekin batera Maite Aristegi (Baserritarra, eta EHNE eta Etxaldeko kidea) eta Assumpta Ayerdi (Emaus, Elikadura Burujabetza ataleko arduraduna) izango dira, Debagoieneko Emakume baserritarren egoeraz eta Euskal Herrian elikadura subiranotasunaren alde lan egiten duten elkarteez mintzatuko direlarik, hurrenez hurren.