Hudson Falcons taldearen kontzertua

Hudson Falcons taldea New Jerseytik (AEB) dator eta aurretik ere Arrasaten egona da. Europatik barrena egingo duten hirugarren bira luzean, Arrasatekoa izango da Euskal Herrian egingo duten kontzertu bakarra. 90eko hamarkadan sortua, punk-rock-and-roll estiloak lantzen dituzte, beti ere Mark Linskey abeslari beteranoaren estilo bereziak gidatuta; punkaren amorrua eta rockaren samurtasuna batzen dituen musika da. Taldeak bere zortzigarren diskoa aurkeztuko du bira honetan. Arrasaten, Kooltur Ostegunak ekimenaren barruan eskainiko dute kontzertua.