Jaialdi internazionalista Arrasaten

Arrasateko Askapenak antolatuta, jaialdi internazionalista egingo dute zapatuan. Egitarau zabala prestatu dute, besteak beste, 2012ko brigaden aurkezpena egingo dute eta 2011n Argentinara brigadista joan zirenek euren bizipenak kontatuko dituzte. Gainera, Fasinpat izeneko dokumentala ikusi ahalko da eta horren inguruan eztabaida egingo dute. Azkenik, Garraxi eta Egurra ta kitto taldeen kontzertua egongo da. Antolatzaileek aurreratu dutenez, aurten 25 urte beteko dituen Askapena erakundearen materiala egongo da salgai. Jatekorik ere ez da faltako.