Ping-pong eta mahai futbol txapelketak

Udalak eta Txatxilipurdik batera antolatutako Erdigunea Piztu egitasmoak beste saio bat izango du hilaren 28an, domeka, Biteri plazan, 16:00etan (eguraldi txarrarekin, Kulturateko areto nagusian). Oraingoan, ping-pong eta mahai-futbol txapelketak jokatuko dituzte 12 eta 17 urte arteko ume eta gaztetxoek. Zenbait maila izango dira. Batetik, txapelketa mistoa izango da, denondako; eta, bestetik, bakarrik neskendako txapelketa. Norberak bi txapelketetan parte har dezake, baina aurretik izena eman behar da. Izenematea, gaztetxokoetan, gazte bulegoan edo Txatxilipurdin (943 79 54 46).