Itsaso Retolaza: "Gauetako une bakarti horiei aurre egiteko hasi nintzen idazten"

Lan kontuek eroan zuten Itsaso Retolaza Txinara, eta hemengoekin harremana mantentzeko modu bezala ekin zion bere esperientzian oinarritutako kontakizunak idazteari. Bere idatziak blog batean eskegi eta gero, kritika berrien bila Mikel Essery lehiaketara bidaltzea otu zitzaion. Horren ostean, bere sorpresarako, finalisten artean aukeratua izan zen. Orain, bere Shanghaitik itsaso horiaren gainetik kontakizuna Manbo Poa bost kontakizun liburuan irakur daiteke.

Pozik lortutako emaitzarekin?
Oso pozik. Lehiaketara pentsatu gabe aurkeztu nintzen, eta, kontakizun bakarra bidali beharrean, mordoxka batzuk aurkeztu nituen. Antolatzaileek animatu ninduten, euskarazko lan gutxi jasotzen dituzte-eta.

Nondik sortu zitzaizun idazteko gogoa?
Oso bidaia gogorra izan zen. Nire bi semeak eta senarra hemen utzita joan nintzen Shanghaira, eta, akaso, testuinguru horrek eman zidan idazteko grina.

Bakardadea izan zen zure etorria?
Gaueko une bakarti horiei aurre egiteko metodoa izan zen, bai. Hartzaileengandik ere kritika onak jaso nituenez, idazten jarraitu nuen

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.