Zazpi dira egunero bertan dauden saltokiak; ordutegia, berriz, honakoa: astelehenetik egubakoitzera, 09:00etatik 13:00etara eta 17:00etatik 20:00etara eta zapatuan, berriz, 09:00etatik 14:00etara. Azoka egun berezietan honakoa da ordutegia: eguaztenean, 07:00etatik 13:00etara, eta egubakoitzean 06:00etatik 13:00etara.
3.000 poltsa berrerabilgarri
Plotterrarekin eta marka irudiarekin batera, joan den astean hasi ziren banatzen poltsa berrerabilgarriak. 3.000 poltsa banatuko dituzte, Azoka Plazan edozein erosketa egiten duten herritarren artean, doan. Hots, saltoki finkoetako dendariek, hileko hirugarren zapatuan parte hartzen duten baserritarrek eta eguazten zein egubakoitzetan Azoka Plazara jaisten diren saltzaileek banatuko dituzte poltsa berrerabilgarri horiek, agortu arte.
Amaitu da bigarren fasea
Marka irudia sortzearen beharra GUreztatu ekimenaren lehen faseko ondorioetako bat izan zen: "Marka irudia herritarren botoen bidez aukeratu ostean, orain irudi hori leku ikusgarri baten ipini dugu". Ekintza horrekin bigarren fasea amaitutzat jo dute, lan ildo batzuk oraindik lanean jarraitzen duten arren.