Lehen, gaztetxoak ezagunen etxeetara bertaratzen ziren, txirrina jo eta kantatu ondoren, leihoetatik botatzen zizkieten litxarrerien zain geratzen ziren. Erronda eginda eta poltsa beteta, eguerdi partean udaletxera bertaratu eta balkoitik udal ordezkarien txanda izaten da. Eta gaur ere errepikatuko da irudi hori.
Baina, gainera, iaz auzoetara ere zabaldu zituen Udalak boloak, eta aurten bigarrenez erdigunetik kanpo ere ospatuko dute San Nikolas. Eta merkatari batzuek ere egingo dute bat festarekin.
Ohiturak aldatzen joan dira denborarekin, baina aldatu ez dena nesken eta mutilen arteko umorezko lehia da. Neskai dana, mutilai bapez... Mutilai dana, neskai bapez, dio kantuak, eta horixe entzungo da Arrasateko kaleetan.
San Nikolas boloak
12:00 Auzoetan egingo dituzte boloak: Musakolan eta Uribarrin ere banatuko dituzte gozokiak. Uribarrin, Usaetxe plazatik 11:00etan kalejira egingo da.
12:30 Herriko Plazan egingo dute San Nikolas boloa, udaletxeko balkoitik. 5 urtetik beherakoek euren gunea izango dute.