69 urteko mendizale bat erreskatatu zuen atzo arratsaldean Ertzaintzak Udalatx magaletik. Segurtasun Sailak emandako informazioaren arabera, orientazioa galduta eta osasun arazoekin zegoen gizonezkoa erreskatatu zutenean. Gizonezkoak berak abisatu zuen larrialdi zerbitzuetara.
15:45ean gertatu zen erreskatea, ailegatzeko oso bide zaila zuen sasi arte batean lokalizatu zuten mendizalea, Segurtasun Sailak kontatutakoaren arabera, erdi galduta aurkitu ere, non zegoen ez zekiela. "Bazirudien ondo zegoela, baina badaezpada Udaltzaingoak Debagoieneko Ospitalera eraman zuen". Arrasatearra zen erreskatatu zuten mendizalea.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.