Urrian Auzitegi Nazionalak martxan jarritako prozesua hasi zenetik Libre herri mugimenduak bertso afariak, pintxo poteoak, manifestaldiak... antolatu ditu. Domekarako ekimen berri bat prestatu dute. Duela bi hilabetetik ezkutuan diren lau gazte auziperatuak Durangon azalduko dira abenduaren 8an herritarrei mozorrotuta joateko dei egin diete Askegunea.com bidez.
Desodebientzia zibliaren bidea hartu zuten lau gazte auziperatuek bideo baten bitartez jakinarazi duten moduan, "mozorrotzen garenak gu bakarrik bagara gureak egin du, asko bagara ordea beraienak egin du". Horregatik Libre herri mugimenduak bere egin ditu hitz hauek eta jendeari mozorro desobedientea janzteko gonbitea egin die.
Kamiseta laranjak Durango ez ezik Arrasateko Irati tabernan ere eros daitezke eta maskarak egiteko askegunean.com webgunean txantiloi bat ere eskegi dute. Mozorro honekin azokaz gozatzeaz gain, domekan 13:00etan Landako azoka gunetik irtengo den kalejira desobedientean parte hartzeko proposamena ere luzatu diote debagoiendar guztiei.