Garai bateko Arrasateko harresiaren babesean, herriko artista bakoitzak bere ikusteko modua oparitu dio ikusleari. Batzuek paisaiak egin dituzte, beste batzuek paisaia hilak... baina guztiek euren talentu eta eskuaren aztarna utzi dute. Ikusleak oso mostra zabala ikusiko du, eta, arteaz gozatzeaz gainera, margolari bakoitzak mundua nola jaso eta ulertzen duen ikusiko du.
Erakusketaren ordutegia
Abenduaren 5a bitartean herriko artisten askotariko lanak ikusgai egongo dira Harresi aretoan. Erakusketa horretaz gozatzeko, gainera, margo taldeak ordutegi zabala prestatu du. Astelehenetik zapatura 18:00etatik 20:00etara eta domeketan, berriz, 12:00etatik 14:00etara.
Harresiak garai batean herria babesten bazuen ere, Arrasate margo taldeak babes horrek inoiz izan duen zulo handienak ireki ditu. Irudimena baita gizakiak ireki dezakeen leiho edo zulorik handiena.