Depresioa ekiditeko eta gainditzeko jarraibideak eskainiko ditu Agifesek

Agifesek, buru gaixotasuna duten pertsonei eta familiei laguntzeko elkarteak, depresioari eta gogo-aldartearen beste nahasmendu batzuei buruzko hitzaldia eskainiko du asteazken honetan, azaroak 27, Arrasaten, 18:30etan. Yolanda Iglesias, buru gaixotasuna duten Pertsonen eta Senideen Gipuzkoako Elkarteko psikologoak, mota horretako patologiei aurre egiteko aholkuak eskainiko ditu. 

Izan ere, buru nahasteak, depresioak batez ere, nabarmen gora egiten ari dira azken urteotan krisi sozioekonomikoaren ondorioz. Imajinatu Buru Osasuna guztion eskura sentsibilizazio kanpainaren barne antolatutako hitzaldia izango da, Kulturatekoa. Hitzaldia Kulturateko Loramendi gelan egingo da eta gazteleraz izango da.

Depresioa gainditzeko estrategiak eta baliabide pertsonalak garatzeko jarraibideak ere emango ditu adituak. Gainera, buru nahasmendu hori eragin dezaketen kausak aztertuko ditu, baita tratamendu farmakologikoa nahiz psikologikoa behar dela adierazten duten sintomak ere.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.