Mozioak adierazten du "behar-beharrezkoa dela politikari eta herritarren adostasunean eta konpromisoan sakontzea" eta edozein erakunde publikoren agendan "lehentasunezko eta etengabeko tokia" izan behar duela gaiak. Halaber, "indarkeria matxistak askotariko aurpegi eta adierazpenak" dituela ohartarazten dute sinatzaileek eta, gainera, emakume guztiei eragiten diela bizitza osoan zehar; eta, are gehiago, "indarkeria matxista etxeetan nozitzen dute emakumeek, baina baita eremu publikoetan ere, mota eta intentsitate desberdineko hainbat portaera matxista eta bortitzen bitartez"; idazkiak dioenez.
Hala, portaera horiek "emakumeen eta gizonen elkarrekiko bizitza antolatzeko eraikitako eredu baten parte" direla argitzen du ezker abertzaleak, jeltzaleek eta sozialistek batera harturiko testuan eta "emakumeek indarkeria matxistatik aske bizitzeko honako konpromisoak ezartzen ditu mozioak, besteak beste:
- Urterik urtera berdintasun politikak garatzeko baliabidean indartzea.
- Emakumeen parte-hartzea sustatzea jai-giroan eta eremu soziokultural guztietan.
- Emakumeen ahalduntzea sustatzeko eremu komunak baliabideekin indartzea.