Abian da Ibai-Arte elkartearen 'Arrasate denok batera'

Ibai-Arte merkatari elkarteak ekimen berri bat antolatu du. Gaur hasi eta abenduaren 7ra arte 'Arrasate denok batera' promozioa jarri dute martxan Ibai-Artekoek. Arrasatearrek erosketak bertan egitera bultzatzea helburu, %13ko deskontua eskainiko dute euren produktu zein zerbitzuetan: "Ekimen honekin gure bezeroak saritu gura ditugu, euren erosketetan laguntzea", diote.

Arrasatek bizi duen garai zailari "denok batera" aurre egiteko asmoz sortutako ekimena da, aditzera eman dutenez.

Hainbat sektoretako dendak

Eskaintzaren parte diren dendak kanpainarako egin diren kartelen bidez identifikatuko dira, erakusleiho eta ateetan kokatu dituzte-eta. Promozio berezian hainbat sektoretako saltoki eta zerbitzuk hartuko dute parte: arropa eta oinetako dendak, bitxitegiak, estetika zentroak, paper-dendak, odontologia-zerbitzua...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.