Josu Larreategiren taldea atzetik egon zen markagailuan 32 minutuz, baina kontzentrazioa eta konfiantza galdu barik, buelta eman zion emaitzari, eta irabazi egin zuen. 68-63 menderatu zuen Tabirako Baque taldea. "Gure aurpegi onena erakutsi dugu", esan zigun entrenatzaileak.
Denboraldi serioa egiten dihardu Mondragon Unibertsitateak. Mailako arerio indartsuenen kontra irabazteko gai dela erakutsi du. Zapatuan Durangoko taldea izan zuen aurkari. Denboraldia ondo hasi ez duen arren, talde gogorra da bizkaitarra. Baina, biek ala biek elkar ondo ezagutzen dute, eta hori nabari izan zen kantxan.
Azken minutuetara mentalki indartsuen heldu zen taldeak irabazi zuen.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.