Urretxuko margo taldearen lekukoa hartuta, Arrasate Margo Taldeak erakusketa zabalduko du gaur, egubakoitza, Harresi aretoan. Abenduaren 5a bitartean, herriko artisten askotariko estiloetako 30 lan erakutsiko dituzte; astelehenetik zapatura 18:00etatik 20:00etara eta domeketan, berriz, 12:00etatik 14:00etara. Inaugurazio ekitaldia gaur, egubakoitza, 19:00etan egingo dute eta han izango dira, besteak beste, ikusgai eta, hala gura izanez gero, salgai ere badauden artelanen egileak.
Udaberrian Arte Azoka egiten dute; sanjuanetan, margo lehiaketa; eta udazkenean, ostera, lokalean egindako lanak herritarrei erakusteko ohitura dutela dio Bea Arregik, margo taldeko kideak, eta zera gaineratu du: "Askotariko autoreen lanak eramango ditugu Harresira, margo taldeko kide guztien edo ia guztien bana eramaten saiatu gara. Eta estiloari dagokionez ere askotarikoak dira, bakoitzak nahi duena edo ahal duena egiten du-eta; hori horrela, lan figuratiboak, natura hilak, paisaiak… izango dira".
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak