Arrasate Musikaleko ikasleek gaur, egubakoitza, musikarien zaindariaren egunean, bada, Kulturateko areto nagusia musika areto bilakatuko dute, 18:30ean. Askotariko musika tresnak entzuteko aukera da, herriko musika eskolako harrobiaren erakusle.
Eguaztenean, berriz, musika eskolako biolin-joleak izan ziren Iturbide egoitzan.
Bihar, zapatua, berriz, Arrasate Musikaleko Big Band taldea aterako da kalera, Ibai-Artek antolatutako Azaro musikala egitarauaren barruan. Herriko merkataritza bultzatzeko helburuarekin, erdiguneko kaleetan ibiliko dira Big Band Taldeko kideak bigarrenez, 18:00etatik 20:00etara bitartean.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.