PSE-EEren arabera, Bilduk eta EAJk euskal presoen auzia lehenetsi dute Fagor Etxetresnen krisiaren aurrean

Arrasateko alderdi sozialistak prentsa ohar bidez adierazi duenez, Bilduk eta EAJk interes alderdikoiak lehenetsi ditu interes komunen aurrean: "Urgentzia handiagoa eman diote ETAren presoei Fagorrek eragindako krisiaren aurrean neurriak hartzeari baino", uste du Aritz Arrieta bozeramaileak. Fagorren auziaren gainean kooperatibako arduradunekin, Jaurlaritzarekin eta Aldundiarekin izandako bileren edukiaren gainean ez informatu izana ere salatu du Arrietak: "Hori bai dela urgentea, hainbat arrasatearren sufrimendua euren lanpostuengatik; baina horri aurre egiteko ez dago ez ohiko osokorik".

Arrietak Bilduren kudeatzeko eredua "lubaki ideologiko" moduan definitu du, eta EAJk bere "onespena eta kolaborazioa" ematen diola salatu. Hala, Arrietak Bildu eta EAJ egiten ditu erantzule "erabateko gardentasun faltaz" eta Udalaren "hondamendi ekonomikoaz". Honakoa gaineratu du PSE-EEko bozeramaile arrasatearrak: "Bildu bi urte baino gehiago ari da gobernatzen eta euren kudeaketaren oinarrian bi gai bakarrik daude: atez atekoa eta ETAren presoak. Gainerako arazoek ez diete axola; bestela nola uler daiteke ezohiko osoko bilkurarik ez deitu izana Fagorreko langileen etorkizuna bermatzeko?".

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.