Urriaren 28a ezkero Sevilla II espetxean gose greban dauden euskal presoen egoera salatzeko osoko bilkura berezia deitu dute biharko, 19:00etan. Osokoak irauten duen bitartean, 19:00etatik 20:00etara, elkarretaratzea egingo dute Herriko plazan. Bilduk eta EAJk aurkeztutako mozioa izango da jorratuko den gai bakarra. Eskaeren artean, honakoa da nagusia: Sevilla II espetxeko zuzendaritzari eta Espainiako Espetxe Erakundeetako idazkari nagusiari Txus Goikoetxea arrasatearra eta bertan dauden euskal presoek pairatzen ari diren "muturreko bizi-baldintzekin" amaitzea.
Udalak organo horiekin telefono bidez harremanetan jartzeko konpromisoa hartuko luke. Era berean, Sevilla II-ko presoen aldarrikapenekin bat egiten dute Bilduk eta EAJk: isolamendu mugagabearekin amaitzea, euskal presoak batera egotea, oinarrizko eskubideak errespetatzea eta etengabeko jazarpen eta erasoekin amaitzea.
"Burutik gogor, gorputzez ahul"
Txus Goikoetxearen bikotekidea den Onintza Lopez de Munainek esan digunez, preso arrasatearra psikologikoki "ondo" dago oraindik: "Esaten didanez lepotik gora ondo, baina lepotik behera ahul dago. Gainera, hotza egiten hasi da eta horrek are gogorrago egiten du gose greba. Oraindik ez dugu espetxeko zuzendaritzaren berririk", adierazi zigun atzo, eguaztena. Lopez De Munainen arabera, Amaiur koalizioko senatari eta parlamentariak Sevillako espetxera joango dira gaur, zuzendariarekin batzartzeko.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
