Arrasate Zientzia Elkartea itzuli da herriko iragana astintzera

Hasi da Arrasate Zientzia Elkarteak antolatutako 'Arrasateko Iragana Astintzen' hitzaldi zikloa. Kulturateko areto nagusia ez da goraino bete, baina jende asko erakarri du Maria Jose Iriarte historialariaren saioak. Kuaternarioko, Lurreko azken garai geologikoko, klimaren aldaketan oinarritu da Iriarte. Noski, Arrasate eta inguruetan jasotako informazioaren berri ere eman du, aztarnategi arkeologikoetan jasotakoak kasu –Iriartek ondo baino hobeto ezagutzen du Lezetxiki–: "Arrasaten badaude baldintza klimatikoen elementu indikatibo batzuk gaur egun deigarriak direnak ikerketa munduan".

Iriartek gustura jaso zuen antolatzaileen proposamean: "Arrasate Zientzia Elkarteko gehienak lagunak ditut; Lezetxikiko aztarnategira etorri ziren behin eta proposamena egin zidaten. Gustura asko eman nion baiezkoa".

"Zuen baimenarekin, berriro animatu gara"

Xabier Bengoa eta Jose Angel Barrutiabengoa AZEko kideek egin dute aurkezpena: "Iaz hau guztia [Kulturateko areto nagusia] beteta ikusi genuenez aurten, zuen baimenarekin, berriro animatu gara", esan du Bengoak. Barrutiabengoak, berriz, gaurko saioa testuinguratu du: "Arrasateko iraganari hautsa kentzeaz haratago, lurpetik aterako dugu gaur. Lur azpitik hainbat metro, gainera. Kuaternarioraino eramango gaitu gaur Mari Josek".

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.