Gero eta jende gehiago gerturatzen da hilean behin Arrasateko Azoka plazan egiten duten berrerabilpenaren elkartruke azokara. Ohiko elkartruke azoka egiteaz gain, arroparen berrerabilpena hartu dute oinarri gaur goizean, eta gerturatu direnek josteko makina eta guzti aurkitu dute erabilgarri. Azokan arropak, poltsak, liburuak, diskoak, jostailuak... trukatzeko aukera egon da, baina baita arropa zaharrari erabilpen berria emateko tailerra ere. Praka edo elastiko zaharrekin poltsak, nezeserrak edo zorro txikiak egin daitezkeela erakutsi dute azokako arduradunek. Bat baino gehiago animatu da josteko makinaren aurrean eseri, eta lehenengo puntadak ematera.