Goikoetxeak, eta espetxe berean dauden beste 12 euskal presoek, jasandako erasoak salatu eta bizi baldintza duinak aldarrikatzeko ekin zioten gose grebari urriaren 28an. Eta gaur Arrasateko kaleetan egindako manifestazioarekin euren berotasuna helarazi nahi izan diete herritarrek presoei.
Preso arrasatearraren bikote den Onintza Lopez de Muniainen arabera, "heltzen zaie berotasuna. Animatu egiten du jakiteak kanpoan jendea eurengatik arduratuta dagoela". Arlo fisikoan, egunak aurrera egin ahala ahultasuna nabariagoa dela azaldu du Lopez de Muniainek, "baina animoz ondo dago".
Martxa espetxera
Oihan Zubizarretak, manifestazioaren deitzaileen izenean adierazi duenez, herritarren elkartasuna hurbilagotik sentitzeko martxa bat abiatuko da gaur gauean Arrasatetik Sevila II espetxera.