Herritar baten eskariz, titia emateko gela bat egokitu du Udalak BAZeko bulegoetan, azaro erdialdetik erabilgarri dagoena. Hainbat emakumek erabili dute dagoeneko edoskitze-gela, Udaletik azaldu dutenez.
Herritar baten eskaera adituta, titia emateko gela egokitu bat aurki daiteke Biztanleen Arretarako Zerbitzuaren bulegoetan Arrasaten. Hotz egiten duen garaietan faltan atzematen ei zuen lagun horrek titia emateko leku publiko babestu bat, eta jaramon eginez, BAZen ipini dute, herriaren erdialdean. Edoskitze-gela BAZen ordutegian dago zabalik; aste barruan 08:30etik 19:00etara eta zapatutan 09:00etatik 13:00etara.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.