Lehenengo saioa datorren martitzenean izango da, azaroak 19, Kultur Aten. Estreineko hitzaldian Maria Jose Iriarte historialaria arituko da berriketan Historiaurreko klimaren eta paisaiaren bilakaera hizpide hartuz.
Bigarren saioa aldiz, astebetera ospatuko da, baina oraingoan, Arrasateko herria eta Oñatiko konderria 1448an izenburupean Jose Angel Achon historian doktoreak, herriko hainbat kontu ekarriko ditu gogora.
Bi asteko geldiadia izan ondoren, berriz ere hitzaldiak martxan jarri eta Alfredo Moraza eta Maria Inez Olaran izango dira herrian. Abenduaren 10ean, Arrasateko Teileriak izango ditu mintzagai Moraza historiagileak eta Olaranek aldiz, Rikardo Olara Añibarri, arkitektoaren inguruan mintzatuko da.
Otaduiren dimisioa
Arantza Otadui, Arrasateko Zientzia Elkarteko idazkariak bere kargua utzi berri du, proiektu berriak garatzeko denbora behar baitu. Elkartetik zorterik handiena opa diote Arantzari. Sare sozialen bidez Otaduik zortea opa eta "bi urtez lanean aritzea plazer bat izan" dela adierazi du.